Dibabet o deus daou zen yaouank kuitaat o bed urzhiet mat evit mont da gantren dre an egor. Avanturioù fentus ha souezhadennoù diniver a vo bevet ganto.
Paol ar Meur zo ur skrivagner brezhonek, ganet e Brest e 1960. Ur familh martoloded eus ar morlu ha micherourien eus an arsanailh e oa hini e dad. Brezhoneg a oa gant e dud-kozh a-berzh e vamm, labourerien douar e Kore. Aet da foetañ bro, e reas e soñj rentañ kont eus e veajoù niverus e brezhoneg, ur yezh desket gantañ er skol-veur ha dre lizher. Aet eo war ar vicher fakteur e kêr e vugaleaj war-lerc’h bezañ bet sammer e-barzh tier-post e Pariz. Troet en deus kentelioù istor ha geografiezh evit bodadoù eil derez Diwan. Ezel eo eus an UDB (etre 1977 ha 1984 hag, adarre, abaoe 1997). Skrivañ a ra ingal pennadoù, liesseurt o danvez, e meur a gelaouenn vrezhonek, Al Lanv, Bremañ, Pobl Vreizh…
2013, dastumad Priz ar Yaouankiz, 87 p., ment 110×180 mm
