Emañ Fili o redek war-lerc’h e vamm adarre. Kazetennerez eo Rozenn. Aet eo d’ober un enklask diwarbenn an Afrikaned dibaper o tivroañ dindan guzh dre an dezerzh. O vont war roudoù e vamm e-kreiz ar Sac’hara eo degemeret Fili gant kantreidi o dremmoù goueliet : Touareged int… Gant an oberenn-mañ eo kroget troioù-kaer Fili. Da vezañ heuliet…
Ganet eo bet Pascal Hervio e 1962. E Lanniliz emañ o chom. Anavezet eo eñ hag e verc’hed e Strollad ar Vro Bagan ha kemer a ra perzh e buhez ar skolioù e brezhoneg en e vro. Troidigezh al levr “Ar blouked” skrivet gant Youenn Cóic a zo bet graet gantañ.
2012, dastumad Priz ar Yaouankiz, 108 p., ment 110×180 mm
