Aziliz eo ma anv. Daou seurt tud zo o vevañ em bro. Ar vachelourien hag ar re zistudi. Ar vachelouriezh a ro gwir da gemerout perzh e dilennadeg ar gannaded ha graet e vez lezennoù ar riez evit ar vachelourien hag o familh hepken. Enklaskerez a-vicher on-me, hag fiziet eo bet din un enklask a c’hellfe lakaat ar riez en arvar…
Paol ar Meur zo ur skrivagner brezhonek, ganet e Brest e 1960. Ur familh martoloded eus ar morlu ha micherourien eus an arsanailh e oa hini e dad. Brezhoneg a oa gant e dud-kozh a-berzh e vamm, labourerien douar e Kore. Aet da foetañ bro, e reas e soñj rentañ kont eus e veajoù niverus e brezhoneg, ur yezh desket gantañ er skol-veur ha dre lizher. Aet eo war ar vicher fakteur e kêr e vugaleaj war-lerc’h bezañ bet sammer e-barzh tier-post e Pariz. Troet en deus kentelioù istor ha geografiezh evit bodadoù eil derez Diwan. Ezel eo eus an UDB (etre 1977 ha 1984 hag, adarre, abaoe 1997). Skrivañ a ra ingal pennadoù, liesseurt o danvez, e meur a gelaouenn vrezhonek, Al Lanv, Bremañ, Pobl Vreizh…
2019 – Rummad Priz ar Yaouankiz – 11×18 cm
