Hiraezh he deus Taliennig ar vorgaoulenn vihan da vont da zizoloiñ ar mor pelloc’h evit Rouantelezh an halen, ar vro lec’h m’eo ganet. Ambrouget gant he mignonez Ninnog, ar valafenn-marc’hmor, eo kaset d’ober ur vrav a veaj, o kejañ gant loened kaer ha dic’hortoz. Evel an istor eo ar skeudennoù leun a varzhoniezh, peadra da vamiñ daoulagad ar re vihan hag ar re vras.
Aozourez evit ar re yaouank eo Laetitia Etienne. Skrivañ a ra romantoù faltazi evit ar grennarded, hag albomoù a lak an ijin da veajiñ. Labourat a ra ivez evit ar re vihan-tout : albomoù kartoñs, lizherenneg, rimadelloù. Ouzhpenn ar gerioù, e plij dezhi c’hoari gant al livioù, ha c’hoarvez a ra dezhi tresañ ivez. http://auteur.illustratrice.free.fr/
A-viskoazh sot-pitilh gant an tresañ hag ar c’hontadennoù boudiged eo Christelle. O heuliañ he studioù war ar skiantoù e talc’h d’ober tresadennoù, betek kinnig he skeudennoù e freelance. Bed disoursi ar vuga- leaj a ro dezhi hec’h awen. http://les-jolies-choses.over-blog.com
2011, dastumad Kentañ Lennadenn, 24 p., ment 200×200 mm.
